Stords beste bumiljø for godt vaksne
Delikate og lettstelte leilegheiter du kan bu i så lenge du vil, kombinert med trivelege og sosiale fellesområde du kan oppsøka når du sjølv føler for det. I Prestegardstunet på Tyse skal me skapa eit fantastisk bumiljø for vaksne som, i tillegg til eigen kvardag, ønsker fellesskap med menneske i same livssituasjon!
Trygge, praktiske og delikate leilegheiter
Tunet vil bestå av tre samanhengande bygningar med totalt 35 innbydande og praktiske leilegheiter i storleiken 49 til 105 kvadratmeter, alle med terrasse/balkong og eitt eller to soverom. Leilegheitene kvalifiserer for Husbankfinansiering.
Fellesstova – hjarta i tunet
I første etasje i midtbygget finn du fellesstova – sjølve hjarta i Prestegardstunet. Med sine ulike soner, er dette den sosiale samlingsplassen for alle i sameiget.
Her finn du den lune peisestova, det koselege allrommet med moderne kjøken, langbord og sitjegrupper og ei separat spisestove. Fellesareala inkluderer òg eit velutstyrt treningsrom, behandlingsrom, og to gjesterom til disposisjon for sameiget.
Husverten er her for deg!
I Prestegardstunet får du din eigen husvert. Han eller ho blir den varme, gode medspelaren som skal gjera innflyttinga di så smidig som mogleg, ta seg av organisering og stell av fellesområda, vera initiativtakar og tilretteleggjar for felles aktivitetar (iallfall den første tida), og ikkje minst vera ein ressursperson som er der om du skulle trenga litt hjelp med små og store praktiske ting i kvardagen.
Flotte uteområde
Eit skikkeleg tun krev eit godt uteområde. Solrike Prestegardstunet er ikkje noko unntak. Her får du både frodig og vestvendt hage med gode utemøblar og rom for ulike aktivititetar, felles drivhus og kanskje ein kjøkenhage, og ikkje minst god parkering.
Sameiget har bil – så du slepp
Har du, eller tenker du å kvitta deg med bilen? I Prestegardstunet har me tenkt på deg òg. Derfor disponerer sameiget elbil med god rekkevidde, som alle bebuarar kan booka og nytta seg av.
Det beste frå by og land
I Prestegardstunet kan du leva urbant og landleg på same tid. Her bur du i ei flott og moderne leilegheit, med butikk, post, golfbane og idrettsanlegg like i nærleiken – og berre ein kort køyretur til Vikjo og Heiane. Samtidig har du luft og rom rundt deg, rikeleg med sol om veret spelar på lag, og kort veg til natur og friluftsliv i skogen, fjellet eller ved sjø og ferskvatn.
Interessert?
Kontakt Randi Beate for meir informasjon og påmelding til nyheitsbrev:
